Belind Këlliçi ka dorëzuar mandatin e deputetit, teksa ka mbajtur fjalën e tij sot në Kuvend.
Këlliçi foli për modelin që ka ofruar Kuvendi dhe politika, e në veçanti rilindja. Ai tha se e refuzon këtë model, dhe shtoi se do ta luftojë atë me sa fuqi të ketë.
“Me shumë kolegë të PD-së, jemi munduar të qëndrojmë fort në mbrojtje të interesit publik, të ngremë kauza, të luftojmë korrupsionin, si me denoncimet që kemi bërë, apo me raste konkrete si ai i komisionit hetimor për aferën e inceneratorëve. Por, nuk mund të them se ja kemi dalë sa duhet.
Nuk kemi shkëlqyer as ne, pasi edhe në mesin tonë, në një moment nxorri krye një përplasje e brendshme, që na mori shumë kohë e shumë energji. Dhe, edhe pse kemi qëndruar mbi disa parime e vlera, nuk mund të them se i kemi shërbyer qytetarëve me sherrnajën tonë dhe as e kemi mbrojtur dot më së miri interesin e tyre”, pohoi Këlliçi./abcnews.al
