Kryetarja e Lëvizjes Socialiste për Integrim Monika Kryemadhi vendosi të kandidonte në tre qarqe për një mandat deputeti si një taktikë për të forcuar pozitën e partisë së saj.
Ajo u pozicionua në listat e LSI, në qarkun e Tiranës, Fierit dhe Elbasanit. LSI arriti të sigurojë mandate vetëm në dy të parat, ndërsa në Elbasan karriget e deputetëve u ndanë mes PD dhe PS.
Në qarkun e Tiranës, Kryemadhi ka arritur të sigurojë 1286 vota duke u renditur e dyta sa i përket numrit të votave në listat e kandidatëve të LSI në këtë qark, pas Përparim Spahiut i cili ka arritur të sigurojë deri më tani 2103 vota.
Ndërkohë në Fier, Kryemadhi kryeson në listen e të vetëve me 1450 vota, ndjekur nga Ardian Alushi me 1228 vota.
Nga ana tjetër, në qarkun e Elbasanit ku zgjedhësit e kanë lënë pa mandat, Kryemadhi ka siguruar deri më tani 685 vota duke u renditur e treta në listë pas Altin Toskës dhe Miranda Rirës./mv.abcnews.al
