Kampionati kombëtar i ping-pongut/ Lezhë, pjesë e garës rreth 90 sportistë të moshës 15-17 vjeç

Në Lezhë po zhvillohet Kampionati Kombëtar i Ping Pongut për moshat 15–17 vjeç, ku marrin pjesë rreth 90 sportistë nga e gjithë Shqipëria, mes të cilëve edhe kampioni aktual i vendit. Sekretari i Federatës Shqiptare të Ping Pongut, Tonin Binoshaj, u shpreh se zgjedhja e Lezhës si vend zhvillimi nuk është rastësore.

Specialisti sporteve në Bashkinë e Lezhës, Aurel Locaj, theksoi se synimi kryesor është përfshirja e sa më shumë fëmijëve në aktivitete sportive dhe zgjerimi i disiplinave në qytet.

Kampionati do të zhvillohet gjatë fundjavës, ndërsa në përfundim do të shpallen fituesit kombëtarë të kategorisë së moshave 15–17 vjeç./abcnews.al