Janë luajtur takimet e javë së tetë të Kampionati Kombëtar të Futsallës. Kjo javë rezervoi këto përballje, Flamurtari – Partizani dhe Tirana -Vllaznia.
Partizani dhe Tirana u rikthyen te fitorja pasi mposhtën respektivisht Flamurtarin dhe Vllazninë. Të kuqtë dominuan takimin dhe fituan me rezultatin 8-4 ndaj vlonjatëve duke u ngjitur në vendin e dytë me 10 pikë. Pas javës së tetë, Flamurtari renditet në vendin e fundit me 7 pikë.
Tirana triumfoi 6-3 ndaj Vllaznisë dhe bardheblutë janë në kuotën e 21 pikëve, ndërsa kuqeblutë renditen të tretët me 8 pikë.
Në javën e nëntë të Kampionatit Kombëtar të Futsallës, Partizani do të përballet në derbi me Tiranën, ndërsa Vllaznia me Flamurtarin. /FSHF
Rezultatet e javës së tetë të Kampionatit të Futsallës:
Flamurtari Futsal – Partizani Futsal 4-8
Tirana Futsal – Vllaznia Futsal 6-3
Renditja:
1 Tirana Futsal 21 pikë
2 Partizani Futsal 10 pikë
3 Vllaznia Futsal 8 pikë
4 Flamurtari Futsal 7 pikë
