Këngëtarja Zina Zdrava, në intervistën për “Pas mesnate” foli edhe për Ermonela Jahon, sopranon shqiptare me famë botërore. “Kam qenë një ogur i mirë”, tha këngëtarja për Ermonelën, për të cilën thotë se i ka dhënë mësim gjatë kohës që ishte te asambli i ushtrisë, ku edhe spikati talentin e saj.
“Gjatë kohës që kam qenë në asamblin e ushtrisë, i kam dhënë mësim Ermonela Jahon. Jam ogur i parë për Ermonelën. Më bënte përshtypje inteligjenca e saj. Të shikonte në dritë të syrit se çfarë do t’i thoje. Mendoj se do të jetë ogur i mirë, mësuesja e parë e Ermonelën, e Ulpianës, e Enkeleda Kamanit dhe disa djemve që aderojnë jashtë si Gerald Murrja etj.
Ermonela kishte kënduar në pallatin e pionerëve, por ma solli një këngëtar dhe e sillte në asambël të ushtrisë. Pashë që ishte zë i bukur, me dritë dhe që premtonte dhe mbi të gjitha kishte mençurinë dhe aftësinë e të kapurit të gjërave që jo çdokush mund t’i kapë. E kapi menjëherë impostimin. I dhashë kurajo, por unë mendoj se i kam dhënë bekimin.
Kam qenë ogur i mirë për të. E kam takuar dhe kam letra që më ka shkruar. I kam thënë se t’i duhet të vazhdosh se është sakrifica jote. Kishte një moment krize që çdokush e kalon.”, u shpreh mes të tjerash Zdrava./abcnews.al
