Zlatan Ibrahimovic është një kampion i madh brenda fushave dhe një personalitet unik jashtë saj. Ambicia e gjigantit suedez nuk ka fund, ashtu si dhe karizma e tij. Përpara se të rikthehej te Milani, ai u aktivizua për 2 sezone me LA Galaxy. Një tip si Zlatani nuk i duron humbjet dhe një ditë nuk e mbajti më veten.
Joao Pedro, ish-shoku i skuadrës te LA Galaxy, zbulon për portugezen Record prapaskenat e tërbimit të goleadorit. “Po luanim në transfertë kundër Houston Dynamo. Ishim në avantazh 1-0, na barazuan 2-2 dhe në fund e përmbysën rezultatin. Zlatan u zemërua keq pas humbjes dhe na u drejtua me këto fjalë:
‘Nëse keni ardhur këtu për plazh ose për dalë xhiro në Hollywood, më tregoni, duhet të ma thoni tani. Kam 300 milion në llogari bankare, jam pronar i një ishulli, nuk kam nevojë për këto gjëra. Do e vras personin e parë që do të flasë tani, do e vras realisht’”, rrëfen Joao Pedro. /abcnews.al
