Bashkimi Evropian ka rifilluar misionin e tij politik për të monitoruar pikën kufitare Rafah midis Gazës dhe Egjiptit, njoftoi shefja e politikës së jashtme të bllokut, Kaja Kallas.
Në deklaratat e saj të hënën, Kallas theksoi se ministrat e Jashtëm të vendeve anëtare ranë dakord gjerësisht se Misioni i Ndihmës Kufitare të BE-së (EUBAM) mund të luajë një “rol vendimtar” në mbështetjen e marrëveshjes për një armëpushim dhe lirimin e pengjeve midis Izraelit dhe Hamasit, i cili hyri në fuqi javën e kaluar.
“Misioni politik kufitar i BE-së aktualisht është i vendosur në vendkalimin Rafah, me kërkesë të palestinezëve dhe izraelitëve.
Ai do të mbështesë personelin e Autoritetit Palestinez dhe do të lejojë kalimin e njerëzve nga Gaza, përfshirë ata që kanë nevojë për kujdes mjekësor,” shkroi ajo në platformën X./abcnews.al
