Kandidati për kryetar i Partisë Demokratike, Fatbardh Kadilli ka bërë të ditur pesë kërkesat e tij lidhur me garën zgjedhore brenda kësaj force politike.
Në një deklaratë për shtyp, Kadilli theksoi ndër të tjera se duhet të ngrijë administrata aktuale e PD deri në zgjedhje. Gjithashtu, ai e sfidoi publikisht Lulzim Bashën duke e ftuar në debat publik.
“I kërkoj kryesisë të miratojë edhe formalisht kërkesat për kandidim. Të miratojë modalitet dhe procedurat, ku në kushte të barabarta çdo kandidat të komunikojë.Të ngrijë e gjithë administrata. Çdo kandidati ti jepet lista e plotë. Të organizohen tre debate të hapura për publikun, në Tiranë Shkodër dhe Vlorë me të gjithë kandidatët. Sot i bëj thirrje të gjithë demokratëve të shikojmë këtë garë si mundësi për tu ngritur edhe njëherë. I kërkoj Bashës që atë që i kërkoi Ramës një debat publik. Duhet të jemi të hapur për tu zgjeruar. Sot kemi në garë 5 kandidatë. Projekti im filloi me këtë ti rikthej garën e PD. E sfidoj Bashën të pranojë debat publik,” deklaroi Kadilli. g.v/abcnews.al
