Juventusi nuk ka vonuar për të dërguar ofertën e parë zyrtare për shërbimet e Roberto Firmino.
Sulmuesi brazilian nuk do të jetë më lojtar titullar te The Reds, sidomos pas ardhjes së Darëin Nunez për 100 milionë euro nga Benfica.
Sipas asaj që raporton gazetari Ekrem Konur, “Zonja e Vjetër” e ka vëzhguar situatën përreth Firminos dhe ka bërë ofertën e parë.
Biankonerët kanë ofruar afro 25 milionë euro për kartonin e brazilianit, por që ende nuk ka lëvizje konkrete nga Liverpooli.
Lojtari mund të pajtohet me kushtet personale që i ofron Juventusi, mirëpo duhet bindur Jurgen Klopp që ta shesë lojtarin.
Pas largimit të Sadio Manes, do të jetë e vështirë që Liverpooli ta humbet edhe Firminon në këtë afat, por e gjitha varet nga dëshira e lojtarit nëse dëshiron të qëndrojë apo të largohet. /f.a/abcnews.al