Juventus do të presë mbrëmjen e së dielës në shtëpi Interin, për të luajtur “Derbin e Italisë”. Kjo sfidë është nga ato lloj ku nuk mungojnë aspak emocionet, golat apo përplasjet brenda fushës.
Përpara kësaj sfide, Allegri ka dhënë konferencën për shtyp dhe ka theksuar se Inter mbetet favorit.
“Ne do të luajmë kundër favoritit të kampionatit, por gjithashtu ne do të provojmë të gjithë mundësitë tona për ta fituar këtë ndeshje. Jemi përgatitur shumë mirë, lojtarët janë në kushte të mira fizike.
Çfarë Juventusi dëshiroj të shikoj? Për ne është një ndeshje shumë e rëndësishme sepse është pjesë e një rruge me rëndësi. Po luajmë kundër favoritëve të kampionatit.
Pse Interi është favorit? Ata vetë e kanë thënë se objektivi i tyre është ylli i dytë në fanellë, pra Scudetto. Për ne është një provë e mirë që të ndeshemi kundër një ekipi favorit.
Si e përjeton skuadra këtë ndeshje? Ky është derbi i Italisë, lojtarët janë gati për ta luajtur. Duhet një paraqitje e mirë kundër një ekipi të fortë dhe këto ndeshje fitohen vetëm prej detajeve. Duhet të jemi të kujdesshëm, të gjithë e dimë se çfarë ekipi është Interi”, ka thënë ndër të tjera Allegri./h.ll/abcnews.al
