Antonio Cassano është i bindur që Juventusi nuk mund ta fitojë titullin kampion në Serie A, edhe pse diferenca me Milanin e vendit të parë ka shkuar 7 pikë.
Në “Bobo TV” në Twitch ai ka deklaruar: “Vetëm një i çmendur mund të mendojë që të vërë bast për një titull të Juventusit. Interi, Milani dhe Napoli duhet të hidhen në greminë dhe nëse do të ndodhë, unë do të jem i pari që do t’i shkrij.
Sepse Juventusi do të ketë fituar një titull duke luajtur shumë keq, por tre të tjerët duhet të turpërohen. Sa i përket titullit të Juves, them se është edhe faktori i Champions League që duhet të përllogaritet”.
“Milani fitoi një ndeshje të pistë ndaj Empolit, por pa vjedhur asgjë. Kalulu bëri një gol të madh dhe pastaj kuqezinjtë administruan. Janë me meritë të parët në klasifikim dhe në 2-3 ndeshjet e ardhshme do të luhet kampionati.
Mbërrin Juventus-inter dhe Napoli është me 3 pikë më pak. Sinqerisht, nuk do e kisha menduar asnjëherë në fillimin e sezonit që Milani mund të ishte i pari me meritë, kur mbeten 9 javë nga fundi”, përfundoi Cassano. / abcnews.al
