Administrata e Joe Biden pritet të shpallë publikisht një raund tjetër të ndihmës ushtarake për Ukrainën që sot, sipas një zyrtari të njohur amerikan.
Paketa pritet të përfshijë sisteme shtesë raketash artilerie me lëvizshmëri të lartë (HIMARS) si dhe municione artilerie. Paketa pritet të arrijë jo më shumë se rreth 500 milionë dollarë, tha një burim për CNN.
Shtëpia e Bardhë theksoi se ata nuk kanë asgjë për të parë në këtë moment, por ka deklaruar se administrata e Biden ka thënë se SHBA do të vazhdojë të ofrojë rregullisht asistencë sigurie për Ukrainën. /abcnews.al
