Max Allegri qëndron pushim prej dy viteshl. Trajneri livornez është gati të nisë një aventurë të re pas pesë viteve të kaluara te Juventusi. Emri i tij është lidhur me bardhezinjtë për të zëvendësuar Andrea Pirlon, i cili nuk ka arritur të bindë pronarët e “Zonjës”.
Ambienti i Juventusit është i ndarë mes atyre që duan rikthimin e trajnerit, ndërsa të tjerë nuk tundohen shumë nga ky opsion. Një klub tjetër italian po tenton të përfitojë nga dilemat e Juventusit dhe po përgatit një ofertë tunduese për Max Allegrin.
Il Giornale raporton se Napoli është futur në garë për teknikun 53-vjeçar. Gennaro Gattuso është me valixhe gati dhe presidenti De Laurentiis po synon të arrijë një akord me Allegrin.
Sigurisht që duhet pritur për të parë nëse Napoli do ia dalë të sigurojë kualifikimin në Champions League dhe planeve të drejtuesve në lidhje me sezonin e ardhshëm.
Nëse skuadra e Hysajt dhe Rrahmanit ia del ta mbyllë kampionatin në një nga katër vendet e para, do të lehtësohej arritja e marrëveshjes me Max Allegrin. /abcnews.al
