Strategjia e re që ka ndërmarrë Kina, nuk do të lejojë më projekte të kopjuara dhe as ndërtesa mbi 500 metra. Duke e cilësuar si një “epokë të re”, autoritetet vendase kanë propozuar masa të reja spastrimi, për të siguruar që ndërtesat të “mëshirojnë frymën” e rrethinës së tyre dhe të nxjerrin në pah karakteristikat kineze, shkruan “CNN”.
Me kufizimet e lartësisë që po zbatohen tashmë në vende si Pekini, dhe një direktivë qeveritare e vitit 2016 që kërkon fundin e ndërtesave “të tepërta, ksenocentrike, të çuditshme”, udhëzimet duket se zyrtarizojnë ndryshimet që tashmë ishin në zhvillim e sipër.
Dokumenti qeveritar gjithashtu propozon një sistem krediti dhe një listë të zezë për arkitektët, për të inkurajuar respektimin e ligjeve dhe rregulloreve të planifikimit. Kjo vjen si një paralajmërim kundër shembjes së ndërtesave dhe arkitekturës tradicionale apo edhe pemëve të vjetra për të bërë rrugë për zhvillime të reja. /abcnews.al
