Astronautët e NASA-s Jessica Meir dhe Andrew Morgan kanë parë pandeminë e koronavirusit të përhapet ashtu si pjesa tjetër e botës, por nga një pikë shumë më ndryshe, nga brenda Stacionit Ndërkombëtar Hapësinor, shkruan CNN
Kur të kthehen në Tokë më 17 prill, pas 7 dhe 9 muajsh në hapësirë, do të gjejnë një vend krejt ndryshe nga ai që lanë kur u larguan.
Astronautët e NASA ,Andrew Morgan, Jessica Meir dhe Christopher Cassidy janë aktualisht në Stacionin Hapësinor Ndërkombëtar së bashku.
“Është pothuajse joreale ta shohësh atë që po ndodh në Tokë nga këtu.”- tha Meir. “Nga këtu, Toka duket aq mahnitëse si zakonisht, kështu që është e vështirë të besosh të gjitha ndryshimet që kanë ndodhur qëkur jemi larguar.”
“Astronautët që udhëtojnë drejt hapësirës për periudha të gjata kohore, presin shumë ndryshime kur të kthehen në Tokë. Ne mund të shohim lajmet këtu dhe kemi folur me miqtë dhe familjet për të patur një ide të asaj që po ndodh. Por nga këtu lart, është e vështirë të kuptosh çfarë ka ndryshuar dhe sa ndryshe do të jetë jeta kur të kthhemi.”- tha Morgan.
Morgan, i zgjedhur nga NASA si një astronaut në vitin 2013, shërben gjithashtu si mjek urgjent në ushtrinë amerikane. “Si mjek urgjent, unë e di se si është të jesh në një spital,” tha Morgan. “Jam shumë krenar që jam pjesë e këtij profesioni, por në të njëjtën kohë, ndiej faj që jam i ndarë nga tani.”
Astronautët shprehën mirënjohjen e tyre për të gjithë që i përgjigjen krizës globale dhe folën për ndjenjën e krenarisë që kanë në lidhje me profesionistët e mjekësisë në të gjithë botën, të cilët kanë rrezikuar edhe jetën e tyre.
Meir dhe Morgan gjithashtu folën për aspektet e të jetuarit në izolim – “diçka për të cilën ne jemi shumë mirë, por njerëzit në Tokë po e përjetojnë në një mënyrë të re,” tha Morgan.
Këshilla e tij për njerëzit nën karantinë është që t’i përmbahen një rutine ose orari dhe “të jeni një bashkëpunëtor i mirë i ekuipazhit, duke menduar se si veprimet tuaja prekin të tjerët”.
“Do të jetë e vështirë të mos i japësh përqafime familjes dhe miqve pasi ke qenë këtu për shtatë muaj,”- tha Meir. “Unë mendoj se do të ndihem më i izoluar në Tokë sesa këtu, sepse këtu pritet. Ne jemi të zënë me detyra të mahnitshme dhe nuk e ndiejmë izolimin. Por do të jetë e mrekullueshme të shohësh familjen dhe miqtë në mënyrë virtuale dhe në një distancë . ”
Sa i përket hapësirës, Meir tha që ajo do të humbasë pamjen e Tokës nga stacioni hapësinor. “Ndjenja që të jep si njeri është mjaft e vështirë për t’u shprehur me fjalë,” tha ajo.
Në Tokë, ekipet tokësore të NASA-s, si fluturimi dhe kontrolli i misionit, janë prekur nga pandemia. Ndërrimi i turneve midis ekipeve ka ndodhur në dy dhoma të ndryshme për të minimizuar kontaktin, tha Morgan.
Është fluturimi i tretë i hapësirës për Cassidy-n dhe ai tha që rruga ishte e përsosur dhe se “nuk plaket kurrë”. Por familja e tij dhe shumë të tjerë nuk mund të merrnin pjesë në nisje.
Si zakonisht për astronautët përpara një nisjeje, ai kaloi dy javë në karantinë. “Ne e dinim se do të ishim në karantinë, por nuk e dinim që bota do të bashkohej me ne,” tha ai. ” Ky mision ndjehet ndryshe.”
Astronautët u pyetën për shpresën në mes të krizës globale.
“Ne mund të përpiqemi të gjejmë rreshtat e argjendit dhe elementët pozitivë,” tha Meir. “Një nga ato gjëra për të cilën familja dhe miqtë e mi po flasin janë lidhjet që ata kanë qenë në gjendje t’i mbajnë me të dashurit e tyre. Është duke e nxjerrë atë element të lindur njerëzor, duke na kujtuar përparësitë tona “./abcnews.al
