Që prej nisjes së luftës në Ukrainë, presidenti i Rusisë, Vladimir Putin është në qendër të mediave së bashku me familjen e tij. Së fundmi, BE-ja ka sanksionuar dy vajzat e tij, Maria Vorontsova dhe Katerina Tikhonova.
Ndërkohë, DailyMail ka zbuluar se Putin ka edhe një vajzë 19-vjeçare me ish-të dashurën e tij, Svetlana Krivonogikh, 45 vjeçe, një pastruese e kthyer në multimilionere, e cila tani zotëron aksione në një bankë të madhe ruse. Thuhet se Svetlana e cila bashkëjeton me vajzën e saj Luiza në Shen Peterburg po kërkojnë të japin me qira apartamentin luksoz për 7,700 paund në muaj, duke përfshirë tarifat e shërbimeve.
Fotot e shkrepura nga agjencia imobiliare, Engel & Volkers, tregojnë ekstravagancën e jashtëzakonshme të ambienteve të brendshme të veshura me ar.
Apartamenti quhet ‘një nga komplekset më private në Shën Petersburg’, sipas një investigimi të BBC Rusisë, dhe është ndërtuar nga një kompani e lidhur me Bankën Rossiya, që shihet si institucioni financiar i rrethit të ngushtë të presidentit.
Kompleksi i apartamenteve është i rrethuar nga një hendek dhe dallohet për arkitekturën e tij të fortë klasike. Brenda kati i parë ka një dhomë ndenjeje dhe një tarracë me pamje nga lumi Neva. Një llambadar gjigant mund të shihet i varur nga tavani në korridor.
Kati i dytë ka një dhomë gjumi me një krevat të veshur me ar dhe një dhomë për fëmijë me një tavan të lyer në mënyrë të ndërlikuar dhe një zonë lojrash.
Ne katin e tretë të apartamentndodhet një lokal me kinema ne shtepi dhe një shezllon me dizenjo italiane te mbuluar me letër floriri./abcnews.al
