Guvernatori i Tokios Yuriko Koike dëshiron të miratojë një javë pune katër-ditore për punonjësit e bashkisë në kryeqytetin japonez, si pjesë e një nisme kombëtare për të forcuar familjet.
“Vonesa në fuqizimin e grave është një problem i kahershëm në Japoni dhe bërja e shoqërisë sonë më të larmishme dhe të begatë është çelësi për një të ardhme të ndritur. Ne do të fillojmë duke mbështetur plotësisht balancën punë-jetë duke miratuar një sistem më fleksibël të kohës së punës, si tre ditë pushim në javë,” tha Koike në një fjalim para këshillit të qytetit.
Duke filluar nga prilli, punonjësit e bashkisë së Tokios do të jenë në gjendje të pushojnë deri në tre ditë në javë, por ata do të duhet të kryejnë 155 orë punë në muaj, shpjegoi Sachi Ikegami, kreu i menaxhimit të burimeve njerëzore të qytetit. Përveç kësaj, ata punonjës që kanë fëmijë të vegjël do të mund të kenë dy orë të reduktuara orët ditore, shtoi ai. Java e punës katërditore është e rrallë në Japoni, por gradualisht po zbatohet nga autoritetet lokale, të cilët po përpiqen të ofrojnë më shumë mbështetje për prindërit.
Japonia, si shumë vende të zhvilluara, po përballet me një krizë demografike, me një popullsi në plakje dhe një lindje shumë të ulët. Sipas Bankës Botërore, popullsia e Japonisë është e dyta më e vjetra në botë, pas asaj të Monakos./abcnews.al
