Japonia do të ndalojë importin e qymyrit dhe vodkës dhe do të ngrijë aktivitetin e bankave kryesore si Alphabank dhe Sberbank, sipas një deklaratë të kryeministrit japonez Fumio Kishida, sipas CNN.
Megjithatë, ai nuk dha një afat kohor për ndalimin e importeve të qymyrit. Kishida dënoi veprimet e Rusisë në Ukrainë duke i cilësuar “krime lufte” dhe shkelje të ligjeve ndërkombëtare humanitare.
Masat ndëshkuese të Tokios kundër Moskës janë pjesë e përpjekjeve të Japonisë për të ndaluar përshkallëzimin e dhunës dhe për t’i dhënë fund pushtimit rus të Ukrainës sa më shpejt të jetë e mundur.
/abcnews.al
