Çmimi Pritzker, nderimi më i lartë në botë në arkitekturë, iu dha këtë të martë japonezit Riken Yamamoto, i njohur për punën e tij “relaksuese” që ndërthur arkitekturën me shqetësimet sociale dhe sociologjike, njoftoi organizata me bazë në Çikago.
“Riken Yamamoto, arkitekt dhe aktivist social” punon për “shoqëritë harmonike, pavarësisht nga identitetet, ekonomitë, politikat, infrastrukturat dhe banesat e ndryshme”, deklaruan organizatorët e institucionit të çmimit që shpesh quhet “Çmimi Nobel” i Arkitekturës në një deklaratë.
“Për mua njohja (e ekzistencës) e një vendi është njohja e një komuniteti të tërë,” tha i vlerësuari i cili lindi në vitin 1945 në Pekin dhe emigroi në Yokohama, Japoni pas Luftës së Dytë Botërore.
“Qasja e sotme ndaj arkitekturës thekson privatësinë, ndërkohë që mohon nevojën për marrëdhënie shoqërore. Megjithatë, ne mund të vazhdojmë të respektojmë lirinë e çdo individi duke jetuar së bashku në një hapësirë arkitekturore, si një demokraci që farkëton harmoninë midis kulturave dhe fazave të jetës”, shtoi Yamamoto, cituar nga organizatorët e Pritzker Prize në një deklaratë./abcnews.al
