Estetika japoneze është e njohur për qasjen e saj minimaliste duke dashur t’i mbajë gjërat e thjeshta dhe kryesisht të dobishme. Kështu që nuk është çudi që një kompani lider japoneze ndërtimi po përpiqet të adresojë mungesën e hapësirës për punë në shtëpi për shkak të pandemisë duke krijuar një ndërtesë të vogël zyre që mund të ndërtohet pranë shtëpive në vetëm dy ditë.
E ashtuquajtura “Hanare Zen” është një ndërtesë e vogël 91 cm e gjerë dhe 1.8 metra e gjatë e pajisur me priza dhe një zyrë. Është minimale, është e rehatshme, është ideale për punë në distancë.
Fjala “Hanare” do të thotë “veçmas” në japonisht, ndërsa “Zen” i referohet qetësisë dhe ndriçimit të shkollës budiste Mahayana.
“Është krijuar për njerëzit që kanë vështirësi të gjejnë një vend të rehatshëm për të punuar nga shtëpia dhe nuk duan të ndërhyjnë me familjen e tyre”, tha Chisa Uhiyama, një zëdhënëse e KI Star Real Estate.
Hanare Zen kushton 547,800 jen (4,240 euro) dhe tashmë është në dispozicion në Tokio./abcnews.al
