Alexandre Lacazette shënoi golin e parë të sezonit 2020/2021 në Premier League. Sulmuesi francez hapi serinë e golave në fitoren e djeshme 0-3 të Arsenalit jashtë fushe kundër Fulham.
Shumë është përfolur për një largim të tij, por 29-vjeçari nuk ka ndërmend të lëvizë. Në një prononcim për BT Sports, Lacazette flet hapur rreth së ardhmes, duke qetësuar tifozët e ekipit londinez.
“Jam shumë i lumtur tek Arsenali, vetëm shtypi thotë të kundërtën. Dua të qëndroj këtu, dua të vazhdoj të luaj për këtë ekip dhe të fitojmë trofe së bashku. Jam shumë i lumtur, nuk ka asnjë shkak për t’u larguar“, deklaron sulmuesi francez. /abcnews.al
