Izraeli deklaroi se nuk do të lejojë më kurrë që 7 tetori të përsëritet. Ky ishte një mesazh ndaj zyrtarit të Hamasit i cili kërcënoi se “ne do ta përsërisim 7 tetorin përsëri dhe përsëri”.
“Nuk do ta lejojmë kurrë të ndodhë më 7 tetori. Kjo është lufta që ne bëjmë”, thotë ai në një postim në X.
Më parë, zyrtari i Hamasit, Ghazi Hamad, sulmoi Izraelin duke folur për agjencinë libaneze të lajmeve LBCI news.
“Izraeli është një vend që nuk ka vend në tokën tonë,” argumentoi ai dhe shtoi se “ne duhet t’i japim një mësim Izraelit dhe ne do ta bëjmë këtë përsëri dhe përsëri. Përmbytja e Al-Aksa është vetëm hera e parë, dhe do të ketë një të dytë, një të tretë, një të katërt. Sepse ne kemi vendosmërinë për të luftuar”.
Duke iu referuar civilëve të vdekur ai tha se njerëzit nga të dyja palët e kanë paguar me jetë. Në fakt, duke komentuar masakrën në festivalin e muzikës, ai tha se ishte pasojë e “komplikimeve në terren”. “A duhet të paguajmë një çmim? Po, dhe ne jemi gati të paguajmë për të. Ne quhemi komb dëshmorë dhe jemi krenarë që sakrifikojmë dëshmorë”, tha ai.
“Ekzistenca e Izraelit është ajo që po shkakton gjithë këtë dhimbje, gjak dhe lot. Faji është Izraeli, jo ne. Ne jemi viktima të okupimit”, pohoi më tej ai. Sipas zyrtarit të Hamasit, “askush nuk duhet të na fajësojë. Më 7 tetor, më 10 Tetor, në Tetorin e miliontë. Gjithçka që bëjmë është e justifikuar”.
