Autoritetet Spanjolle kanë arrestuar në Madrid një të shpallur në kërkim nga drejtësia holandeze.
Ai është një shqiptar i cili është i përfshirë në një rrjet trafiku droge midis Amerikës së Jugut dhe Evropës.
Autoritetet spanjolle e kanë arrestuar shqiptarin ndërsa ka qenë i izoluar në shtëpinë e tij për shkak të pandemisë së re të koronavirusit.
Autoritetet holandeze kanë lëshuar një urdhër arresti ndërkombëtar pasi shqiptari është kreu i një organizate kolumbiane-shqiptare, e dedikuar në trafikun e drogës dhe pastrimin e parave.
Hetimi për të gjetur vendndodhjen e tij filloi në shtatorin e vitit të kaluar kur u arrestuan disa persona dhe u gjetën në Holandë 12 milion euro raporton abcnews.al.
Shqiptari i shumëkërkuar ishte i pajisur me dokumentacion kolumbian dhe ekuadoras.
Për arrestimin e tij u angazhuan forca të njësisë operacionale të antidrogës në shtetin spanjoll.
Ai u arrestua në shtëpinë e tij, ku agjentët sekuestruan më shumë se 40,000 euro në monedha të ndryshme (euro, dollarë amerikanë dhe dollarë kanadezë), njëzet orë prej ari, xhevahire të shumta, të cilat kapnin vlerën e më shumë se një milion euro. Gjithashtu u sekuestruan tre kompjuterë, gjashtë telefona celularë dhe një dronë.
Përveç faktit se shqiptari është shumë i njohur në botën e krimit, autoritetet spanjolle nuk kanë informuar për identitetin e tij, por kanë njoftuar se në orët në vijim do të ketë një njoftim të dytë./abcnews.al
