Itali, dy persona humbin jetën pas një orteku në veri të vendit

Dy persona vdiqën pas një orteku në Alpet italiane, kur një shtresë e madhe dëbore u shkëput në rajonin e Valtellinës, jo shumë larg kufirit zviceran, tha shërbimi i shpëtimit malor.

”Viktimat ishin një grua 28-vjeçare dhe një burrë 33-vjeçar, të dy jetonin në Itali”, raportuan mediat lokale.

Ka pasur një rrezik të shtuar të ortekëve në Alpe për disa javë, i rritur ndjeshëm sidomos ditët e fundit.

Autoritetet lokale në Austri, Francë dhe Zvicër, si dhe në Itali, kanë raportuar disa vdekje të shkaktuara nga ortekët dhe kanë këshilluar kujdes të madh për ata që merren me aktivitete sportive në male.