Shumë emra të mëdhenj janë eliminuar nga Euro 2020, por kombëtare të forta vazhdojnë të jenë në garë për fitimin e trofeut të madh.
Hristo Stoichkov, i vetmi bullgar që ka fituar “Topin e Artë” (1995 kur ishte pjesë e Barcelonës), shprehet i bindur se në finale do të shohim duelin Itali-Angli.
“Deri tani kemi shijuar një Europian të shkëlqyer. Grupi i ‘ferrit’ (grupi F ku bënin pjesë Gjermania, Franca, Portugalia dhe Hungaria) u kthye në grupin e humbësve.
Nuk është aspak e lehtë të bësh një parashikim në lidhje me skuadrat që do të dalin në finale, por, në këto momente, finalja ime është Itali-Angli“, deklaroi Stoichkov. /abcnews.al
