Ishte data 9 prill 2013. Luhej ndeshja çerekfinale e Champions League mes Borussia Dortmund dhe Malagës në “Signal Idunna Park”. Takimi përfundoi në shifrat 3-2 për gjermanët, por ndeshja e vërtetë filloi pas përfundimit të takimit.
Goli i dytë i vendasve hapi shumë debate dhe spanjollët kërkonin drejtësi. Ishte mbrojtësi Subotiç, i cili ishte jashtë loje dhe e ndaloi me dorë topin, që asistoi në golin e barazimit. Kjo polemikë ende nuk është shuar, ku ditën e sotme, pas plot 7 vitesh nga ndeshja kërkohet drejtësi.
Everyone know what happened against Málaga cf
This is bands game
we ask to open international investigation
Fair and transparent
we ask for justice
Respect #Málagacf
Black day for football in the world #The_Black_day 9-4-2013 ? pic.twitter.com/EJ3TeuTJgL
— Abdullah N Al Thani (@ANAALThani) April 9, 2020
Është presidenti i Malagës, Abdullah Al Thani, që ka reaguar me një postim në “Twitter”. “Çdokush e di se çfarë ndodhi në atë ndeshje kundër nesh. Ajo ishte një ndeshje bandash dhe kërkojmë të hapet hetim ndërkombëtar. Kërkojmë drejtësi dhe transparencë. Respekte.”, shkruan presidenti, i cili e quan dhe si “Ditën e zezë” 9 prillin e 2013. /abcnews.al
