Fabinho kaloi vetëm një sezon në Real Madrid, ku luajti 30 ndeshje për Real Madrid Castilla si i huazuar nga Rio Ave dhe vetëm një me profesionistët nën drejtimin e Jose Mourinhos.
Mesfushori i Liverpool ka kujtuar kohën e tij në “Los Blancos” dhe ka zbuluar një histori anekdotë se si është takuar me trajnerin portugez, i cili aktualisht është në krye të Romës.
“Mbërritëm në Portugali, por unë qëndrova në Rio Ave për vetëm dy javë, ndoshta maksimumi tre”, tha Fabinho për “FourFourTwo”.
“Unë bëra një barbecue me brazilianë të tjerë dhe më pas agjenti im më telefonoi për të thënë se Real Madrid Castilla kishte nevojë për një mbrojtës të djathtë dhe donte të dinte nëse isha i interesuar.
“Pastaj një natë, vëllai i Decos, Lucio Araujo erdhi dhe më tha të paketoja gjërat e mia sepse agjenti Jorge Mendes ishte duke shkuar me makinë në orët e hershme të mëngjesit.
“Unë isha si,” A është diçka e gabuar? Askush nuk tha asnjë fjalë, por më pas në një moment në makinë, Mendes tha se po udhëtonim për në Madrid dhe se unë do të firmosja për ta.
“E telefonova mamin në Brazil për t’i treguar për këtë dhe ajo filloi të qajë.
“Askush nuk e kishte pritur që diçka kaq e madhe të ndodhte në një kohë kaq të shkurtër. Ishte një moment shumë i veçantë për mua.”
Fabinho vazhdoi të kujtonte ditën kur u takua me Mourinhon në një hotel në kryeqytetin spanjoll.
“Ne u nisëm për në hotel në Madrid, dhe ndërsa isha ende duke fjetur, u zgjova nga dikush që trokiste në derë”, shtoi ai.
“Kam parë nga vrima dhe nuk mund ta besoja. Ishin Mendes dhe Jose Mourinho.
“Isha ende me pizhame, aspak e përgatitur për ta takuar, as nuk dija çfarë të thoja.
“Ai donte të më mirëpriste. Unë isha ende pak i turpshëm dhe kurrë nuk e mendoja se do ta takoja ashtu,” është shprehur Fabinho./ h.ll/abcnews.al
