Ministria e Drejtësisë e Bolivisë ka kallëzuar penalisht ish-presidentit, Eva Morales i cili akuzohet për përdhunim dhe trafikim njerëzor.
Mediat e huaja bëjnë me dije se aktakuza u ngrit pasi një media lokale publikoi fotografi të 60-vjeçarit me një vajzë të re, e cila thuhet se ishte e mitur në atë kohë.
Ndërkohë akoma nuk ka asnjë reagim nga Morales në lidhje me këtë akuzë. Ai ka qenë në krye të Bolivisë nga 2006 deri në vitin 2019, dhe pas zgjedhjeve të diskutueshme nëntorin e kaluar, ai iku drejt Argjentinës.
Udhëheqësi i majtë u tërhoq si president pas protestave që vunë në dyshim rezultatet e zgjedhjeve dhe një qeveri e përkohshme e krahut të djathtë mori pushtetin.
Që kur hyri në internim, Morales është akuzuar për disa vepra penale. Sipas aktakuzës, Morales ishte në një lidhje me një vajzë 19-vjeçare, ndërsa ishte e mitur. Vajza raportohet se atëkohë ishte 14-vjeçare kur shoqëroi ish-presidentin në udhëtimet e tij, shkruan agjencia spanjolle e lajmeve EFE.
Zëvendësministri Guido Melgar pohoi në një konferencë për shtyp se imazhet janë marrë nga kushëriri i vajzës që i dërgonte ajo ndërsa ishte në një udhëtim me Moralesin. Melgar tha gjithashtu se autoritetet nuk e dinë se ku është vajza tani, por ata kanë prova se ajo vizitoi Morales në Argjentinë me familjen e saj.
Sipas ligjit Bolivian, dënimi për përdhunim është midis dy dhe gjashtë vjet burg, dhe për trafikimin e qenieve njerëzore deri në 15 vjet burg./abcnews.al
