Manchester United është në krizë loje dhe rezultatesh. Humbja e fundit përballë Newcastle ka zbritur ekipin e Solskjaer në vend të 12-të me 9 pikë në tetë ndeshje.
Një ecuri e tillë i ka mërzitur tifozët dhe mbi të gjitha Gary Neville. Ish-mbrojtësi i United, aktualisht në rolin e opinionistit, ka shpërthyer kundrejt drejtuesve të klubit në fjalën e tij për Sky Sports.
“Drejtuesit po gabojnë prej vitesh dhe kanë përgjegjësi. Merkato e gabuar dhe zgjedhje të gabuara në pankinë. Van Gaal fitoi FA Cup dhe u shkarkua më pas. Jose Mourinho u shkarkua sapo i rinovuan kontratën.
Nëse ndryshon ide çdo dy vjet dhe shpenzon 250 milionë sterlina për çdo trajner, e sigurt që do të kesh probleme. United e meriton gjithë këtë vuajtje për shkak të zgjedhjeve të gabuara të drejtuesve të klubit”, thekson Gary Neville. /abcnews.al
