Daniel Agger u tërhoq nga futbolli pesë vite më parë. Ish-mbrojtësi i njohur danez kaloi vitet më të bukura të karrierës te Liverpool, fanellën e të cilëve e mbajti veshur për tetë vite (2006-2014).
36-vjeçari ka vendosur të bëhet trajner dhe është emëruar si timonieri i HB Koge, ekip që garon në divizionin e dytë të futbollit të Danimarkës.
Daniel Agger og Lars Jacobsen er ny trænerduo i HB Køge ?https://t.co/B5RqBUWeoj
— HB KØGE (@hbkogedk) March 31, 2021
Agger do të ketë si ndihmës Lars Jacobsen, ish-mbrojtësin e djathtë të kombëtares daneze. “Jam përgatitur prej kohësh për këtë ditë.
Më duket sikur u tërhoqa shumë shpejt nga futbolli. Këto vite i kam kaluar duke menduar se çfarë do të bëj në të ardhmen, dhe ja ku jam sot trajner i Koge“, deklaroi Agger. /abcnews.al
