Gjykata e Vlorës ka lënë në burg, ish-drejtori i Kadastrës Vlorë Klodian Troci, të akuzuar për shpërdorim të detyrës.
Gjykatësi Enkel Peza me kërkesë të prokurorit Alfred Sali la në fuqi të njëjtën masën e sigurisë arrest me burg. Ish-drejtori i Kadastrës u arrestua mbrëmjen e së dielës pasi akuzohet për “shpërdorim të detyrës” dhe “falsifikim të vulave, stampave ose formularëve”.
Gjatë kontrollit të banesës në Tiranë i janë gjetur rreth 65 mijë euro, të cilat u sekuestruan. Troci u arrestua pas hetimeve disa javore të kryera nga Prokuroria e Vlorës për falsifikimin e dy dosjeve të një prone në Dhërmi.
Klodian Troci dyshohet se ka bashkëpunuar me Bardhyl Gjikën, drejtorin e administrimit të tokave në Vlorë bashkë dhe me specialistin Kreshnik Mino të cilët ndodhen në burg për falsifikim të dokumenteve të pronësisë në favor të Spiro Dunit. /abcnews.al
