Nga Andrei Tapalaga, History of Yesterday
Përktheu: Sonila Backa-abcnews.al
Gjatë gjithë historisë, ka pasur shumë kultura dhe fe të ndryshme që specifikojnë një skenar të caktuar të “fundit të botës” të shoqëruar me një datë. Ne kemi kaluar shumë nga ato data pa ndodhur asgjë, më e fundit është viti 2012, i cili në kalendarin Maja u konsiderua si dita e fundit për njerëzimin.
Ekziston një listë e gjerë e skenarëve të ndryshëm të fundit të botës të paraqitura nga kultura të ndryshme, shumica e të cilave janë shkruar Para Krishtit. E përbashkëta e të gjithë këtyre skenarëve është se ato bazohen në besime dhe asnjëri nuk ka një arsye të fortë se pse pikërisht botës do t’i vijë fundi.
Çdo ngjarje që ishte parashikuar në njëfarë mënyre brenda historisë moderne ishte vetëm me përdorimin e matematikës, e cila është gjithashtu padyshim mjeti për evolucionin tonë teknologjik.
Arsyeja që unë e përmend këtë është se ekziston një teori e “fundit të botës” që nuk bazohet në besime, por në matematikë. Personi që besoi në këtë teori, nuk është askush tjetër veçse Isak Njuton, një nga matematikanët më të mëdhenj në histori, raporton abcnews.al.
Përveçse ishte i famshëm për krijimin e ligjeve bazë të fizikës që janë bërë shtyllat e shkencës moderne, ai ishte gjithashtu ai që krijoi llogaritjet, diçka që ne e përdorim çdo ditë.
Teoria nuk është një legjendë e vjetër, por në fakt e shkruar në një copë letër nga Isak Njuton dhe e datës 1704. Njutoni është i njohur për shkrimin e veprave të tij në copa letre, kjo mund të jetë një nga arsyet pse kjo copë letre specifike u ruajt dhe u zbulua qindra vite më vonë.
Përveç ekuacioneve matematikore në fund të faqes, ka 7 pika që thjeshtojnë arsyen se përse bota do të përfundojë në vitin 2060. Nuk ishin vetëm matematika, por një bazë në Librin e Danielit që e kishte shtyrë atë të arrinte këtë teori.
Për ata që mund të mos jenë të vetëdijshëm, Libri i Danielit (i njohur gjithashtu si Profecia e Danielit) është testamenti më i vjetër në krishterim që fokusohet në hapat e parë të njerëzimit nga një këndvështrim fetar, raporton abcnews.al.
Libri gjithashtu ka një fokus të veçantë te apokalipsi biblik dhe si mund të ndodhë kjo. Ata që kanë lexuar Librin e Danielit do ta kuptonin shumë se si Njutoni arriti në këtë përfundim, por mendoj se ajo që ai kishte shkruar në letër gjithashtu na e shpjegon idenë shumë mirë.
Shumica e përkufizojnë atë si fundin e ekzistencës ose fundin e njerëzimit tonë, pra të gjithë vdesim. “Fundi i botës”, të cilit i referohet Njutoni në teorinë bazuar në “Librin e Danielit” është se kjo do të ndodhë kur të rikthehet Jezusi dhe të sjellë paqe, duke sunduar edhe për një mijëvjeçar.
Jezusi do të ndëshkonte ata që kanë korruptuar krishtërimin për përfitimet e tyre personale, duke na mësuar të jetojmë në harmoni. Ata që e kundërshtojnë, do të përballen me zemërimin e tij, ata që e përqafojnë, do të përballen me dashurinë e tij.
Bazuar në besimet dhe matematikën e Njutonit, bota do të përfundojë 1260 vite nga themelimi i Perandorisë së Shenjtë Romake. Perandoria e Shenjtë Romake u themelua në vitin 800, kështu që nëse bëhen llogaritë shohim se ajo përputhet. Arsyeja pse u zgjodh formimi i Perandorisë së Shenjtë Romake mund të gjendet brenda “Librit të Danielit”.
Shkenca dhe Feja
Shkenca dhe feja nuk shkojnë paralelisht, por atëherë pse edhe shkencëtari më i madh në histori beson te feja?
Unë kam debatuar shpesh për lidhjen midis shkencës dhe fesë në një nga artikujt e mi të mëparshëm, duke treguar se edhe Albert Ajnshtajni besonte shumë në fe. Në këtë teori, ne kemi një kombinim midis matematikës dhe fesë, llogaritjet profetike të Njutonit vërtetojnë mentalitetin e tij duke treguar jo vetëm besimin në shkencë dhe fe, por duke i parë ato të bashkohen si dy gjëra që mund të plotësojnë njëra-tjetrën.
Për shumicën e shkencëtarëve, feja mund të duket si një fantazi, sepse ata nuk e kanë studiuar mjaftueshëm. Pra, kjo vlen për njerëzit fetarë ekstremistë që nuk besojnë në shkencë apo teknologji. Është thjesht një rreth vicioz ku njerëzit mbyllen në besimet e tyre pa u kujdesur të dëgjojnë një këndvështrim tjetër.
A ka të drejtë Njutoni?
Vetëm koha do ta tregojë, por pjesa më e madhe e punës që është bërë nga Njutoni mbi baza teorike aq sa është praktike e saktë dhe e besueshme, gjë që më bën të besoj se Njutoni ka të drejtë.
Edhe gjenerata e parë e inteligjencës artificiale në një projekt nga MIT në 1973 kishte theksuar se bazuar në zakonet tona botës do t’i vijë një lloj fundi këtë shekull. Shumica prej nesh po harrojnë se çfarë është të qenit njeri. Nëse Jezusi nuk do të zbresë, atëherë kjo botë duke përfshirë të gjithë popullsinë e saj do të digjet në një mënyrë ose në një tjetër gjatë këtij shekulli.
Nuk e kam fjalën për djegien në zjarrin e ferrit, por djegien nga armët e shkatërrimit në masë. Duke menduar për këtë, ndoshta kjo është ajo që testamentet e vjetra i ishin referuar gjatë gjithë kohës kur citonin se do të digjeshim në zjarret e ferrit, raporton abcnews.al.
Mua vetë më pëlqen të besoj edhe në shkencë edhe në fe edhe nëse pse nuk jam shumë besimtar. Edhe një herë, vetëm koha do ta tregojë, vetëm shpresoj se do t’ia dalim deri në vitin 2060.
/abcnews.al
