Irani do të hapë misionet e tij diplomatike në Arabinë Saudite këtë javë, sipas një zëdhënësi të ministrisë së jashtme iraniane, disa muaj pasi Teherani dhe Riadi ranë dakord t’i japin fund rivalitetit të viteve në një marrëveshje të ndërmjetësuar nga Kina.
Lajmin e ka bërë të ditur sot edhe një burim diplomatik në Riad.
Në mars, Irani dhe Arabia Saudite ranë dakord të rivendosnin marrëdhëniet diplomatike. Armiqësia e këtyre dy rivalëve rajonalë kishte kërcënuar stabilitetin dhe sigurinë në Lindjen e Mesme dhe kishte nxitur konfliktet rajonale nga Jemeni në Siri.
“Për të zbatuar marrëveshjen, ambasada e Iranit në Riad, Konsullata jonë e Përgjithshme në Jeddah dhe zyra jonë në Organizatën e Bashkëpunimit Islamik do të rihapen zyrtarisht të martën dhe të mërkurën,” tha zëdhënësi Nasser Kanaani.
“Ambasada iraniane do të rihapet të martën në orën 18:00 në prani të ambasadorit të ri iranian ,” tha për AFP një diplomat me bazë në Riad.
/abcnews.al
