Inter është kthyer në fushë për t’u përgatitur për sezonin 2023-2024 dhe Simone Inzaghi tashmë ka ide shumë të qarta për objektivin kryesor të zikaltërve. Në konferencën e parë për shtyp përpara fillimit të sezonit të ri, Inzaghi ka folur për objektivin e tyre.
“Objektivi ynë është Scudetto. Ne kemi për detyrë të përpiqemi të fitojmë yllin e dytë, ne do të vendosim të gjitha forcat për ta arritur këtë qëllim. Unë jam në harmoni totale me drejtuesit dhe lojtarët dhe po operojmë në mënyrën më të mirë të mundshme. Nënshkrimet janë provë e kësaj, të gjithë i njohim Frattesi, Thuram dhe Bisseck. Lukaku? Po luftojmë që ta kemi në ekip.
Ka shumë dëshirë në grup. Kemi pasur një sezon të gjatë dhe intensiv, në një farë mënyre emocionues, i përbërë nga trofe, fitore dhe gjithashtu momente të vështira që kemi qenë të aftë për t’i kapërcyer. Ne e dimë që do të jetë një sezon intensiv, por ne do të bëjmë më të mirën për t’i dhënë tifozëve tanë kënaqësinë që meritojnë.
Objektivi i Scudettos? ADN-ja e Interit është ajo e fitores. Ky është qëllimi ynë i madh, ashtu si e të gjithë klubeve të mëdha. Ne jemi Inter dhe detyra jonë është të fitojmë Serie A këtë sezon, të vendosim yllin e dytë në logo”, është shprehur ndër të tjera tekniku zikaltër, Simone Inzaghi./h.ll/abcnews.al
