Pasi përfunduan ndeshjen e fundit të Serie A me fitore ndaj Torinos, Simone Inzaghi më në fund mund të përqëndrohet në takimin më të rëndësishëm, finalen e Championës League kundër Manchester City.
“Sot (dje) City po luante kundër United, i cili është një skuadër e shkëlqyer. Ne do të duhet të jemi të përqëndruar të gjithë së bashku dhe të luajmë futboll, sepse ata do të qarkullojnë topin gjithë kohës dhe ne duhet t’ia heëqim, duke sulmuar me ekuilibër. Ka shpresë, atëherë e shtuna do të jetë një sfidë e madhe që ne të gjithë e presim me padurim. Dua t’u jap një duartrokitje djemve sepse ata luajtën një ndeshje të mirë ndaj Torinos dhe gjithashtu kanë bërë një sezon fantastik.
Tashmë na pret një emocion i madh përpara. Djemtë kanë bërë shumë ndeshje këtë sezon, kanë fituar Kupën e Italisë, u renditëm në 4 më të mirët e Serie A edhe pse ishte shumë e vështirë këtë sezon, gjithashtu kemi edhe finalen e madhe të Stambollit për të luajtur. Ndaj Manchester City do të shkojmë me besim dhe si një grup i bashkuar. Ne do të japim maksimumin tonë dhe do të luajmë futbollin tonë”, është shprehur Inzaghi./h.ll/abcnews.al
