Interi mori një fitore shumë të rëndësishme përballë Veronas për të vazhduar rrugën drejt titullit kampion në Seria A.
Pas kësaj ndeshje, trajneri i zikaltërve, Simone Inzaghi do të shfaqej shumë i lumtur, ndërsa theksoi se fitorja ndaj Juventusit i ka dhënë frymë dhe forcë skuadrës.
“Të luash përballë Veronës, që është një skuadër që ndërton mirë dhe krijon raste për shënim nuk është e lehtë. E përgatitëm ndeshjen mirë. Është e qartë që fitorja në Torino na ka dhënë shumë besim, por e di sa punojmë dhe nuk jemi dorëzuar asnjëherë. Skuadra ka punuar mirë dhe të gjithë jemi të vetëdijshëm se mund të arrijmë objektivat tanë.
Sanchez? Nevojë për skuadër fizike? Unë mendoj që Perisic po kalon një moment të mirë, ndërsa Gosens që po rritet dita-ditës. Perisic është mirë fizikisht prandaj kisha frikë se mos Correa dëmtohej dhe nuk mund të hiqja dorë nga Perisic.
De Vrij? Ka pasur një dëmtim të lehtë, por të shpresojmë që yë mos ketë asgjë. Çfarë kemi më shumë se Milan e Napoli në garën për titull? Një fitore me shumë në këtë javë. Mungojnë edhe 7 ndeshje nga fundit, jemi të gjithë aty, por vështirësitë në Serie A janë të mëdha”, ka thënë mes të tjerash Inzaghi. /f.a/abcnews.al
