Shkrimi i gazetarit të ABC dhe autorit të ABC Story, Ferdinand Dervishi mbi korrupsionin me pronat e ushtrisë në zonat më të bukura bregdetare është vlerësuar nga zyra e OSBE-së në Tiranë si një ndër investigimet më të mira të këtij viti.
Dervishi mori dje ccmimin nga përfaqësuesit e zyrës së OSBE-së në Tiranë bashkë me kolegët Anila Hoxha dhe Entela Bajramaj.
“Urime fituesve të konkursit tonë për gazetarinë investigative në fushën e antikorrupsionit. Ata janë: Anila Hoxha, për artikullin “Kontrata PPP e sterilizimit i kushton shtrenjtë sistemit shëndetësor”; Entela Bajramaj, për dokumentarin “Zhvatje përmes kredisë”; Ferdinand Dervishi, për artikullin “Truket shtetërore që po zhvatin perlat e bregdetit”.
Fituesit u zgjodhën nga juria e përbërë nga Mark Marku, përgjegjës i Departamentit të Gazetarisë dhe të Komunikimit në Universitetin e Tiranës, Erlis Çela Shef i Departamentit të Shkencave të Komunikimit në Kolegjin Universitar Beder dhe Erjon Ciku nga Njësia për Zhvillimin e Medias në Prezencën e OSBE-së në Shqipëri”, shkruan zyra e OSBE-së në Tiranë në Facebook. /abcnews.al
