Interi iu fal golit të Matteo Darmian për të thyer 1-0 në “San Siro” ekipin e Cagliarit. 11 fitore në po kaq ndeshje të fazës së dytë për zikaltrit e Contes, të cilët thyen rekordin e vendosur nga Milani në sezonin 1989-1990.
Kuqezinjtë fituan 10 takime radhazi në fazën e dytë të kampionatit të luajtur 31 vite më parë. Goli i dytë sezonal në kampionat për anësorin e djathtë, i cili foli pas ndeshjes rreth ndeshjes, golit, trajnerit Conte dhe momentit magjik të Interit.
“Sot u përballëm me një skuadër shumë të mirë, që u mbrojt mirë prej fillimit të ndeshjes. Është gjithmonë e vështirë të gjesh hapësira kundër këtyre skuadrave, por jemi të lumtur që zhbllokuam ndeshjen dhe fituam, pasi është shumë e rëndësishme për rrugëtimin tonë.
1 – L’Inter è la prima squadra capace di vincere tutte le prime 11 gare in un girone di ritorno di Serie A, superando il record del Milan: 10 nel 1989/90. Inarrestabile.#InterCagliari
— OptaPaolo (@OptaPaolo) April 11, 2021
Ndihem i përfshirë në grup dhe i rëndësishëm për projektin e Interit, si unë edhe të gjithë lojtarët e tjerë. Conte? Nuk e pashë pas golit, isha rrethuar nga shokët. Ndjesia e shënimit të një goli është gjithmonë e mrekullueshme. Trajneri na transmeton shumë pasion.
Ishte thelbësore të siguronim tre pikët, në aspektin psikologjik dhamë një sinjal të rëndësishëm për rivalët tanë“, deklaroi 31-vjeçari italian. /abcnews.al
