Qendërmbrojtësi i Tottenham, Jan Vertonghen duket se është drejt largimit nga Anglia. Kontrata e mbrojtësit me klubin anglez përfundon në verën e ardhshme duke i vendosur londinezët në një dilemë. Klubi ka dy zgjidhje, ku mund ta nxjerri në merkato belgun për të përfituar sadopak nga ai ose do të largohet me parametra zero në fundin e sezonit.
Në pole position për të marrë shërbimet e Vertonghen janë italianët e Interit. Sipas një raportimi nga The Guardian zikaltrit nuk preferojnë ta transferojnë belgun në merkaton e janarit, por e kanë në planet e tyre për sezonin e ardhshem. Duke parë që Spursat nuk po i ofrojnë një kontratë të re, Interi ka menduar ti ofrojë 32-vjeçarit një kontratë për tre sezone.
Vertonghen u transferua në Londër në verën e vitit 2012 nga Ajaxi. Qendërmbrojtësi ka 285 ndeshje me fanellën e Tottenham duke shënuar dhe 10 gola. Ai është lojtari më ‘jetëgjatë’ në ekipin e këtij sezoni dhe është drejt një rekord personal për të arritur në kuotën e 300 paraqitjeve me londinezët. /abcnews.al
