Lionel Messi mund të vazhdojë karrierën e tij në SHBA.
Sipas The Times, 35-vjeçari argjentinas është afër kalimit te Inter Miami. Klubi i MLS-së ka besim se Messi do të nënshkruajë kontratë me ta pas Kupës së Botës në Katar dhe do t’i bashkohet në fund të sezonit 2022/23 në Evropë.
Miami dëshiron të forcojë skuadrën me lojtarë që mund të plotësojnë lojën e Messit. Mes kandidatëve janë dy nga ish-shokët e Leos te Barça, Cesc Fabregas dhe Luis Suarez.
Messi pritet të bëhet lojtari më i paguar në historinë e MLS. Kujtojmë se David Beckham është një nga bashkëpronarët e klubit nga Miami. Vihet re se ndikimi i tij luajti një rol të rëndësishëm në një marrëveshje të mundshme.
Vlen gjithashtu të theksohet se Messi është rehat me vendndodhjen e Interit pasi ai ka rezidencën e tij në Miami. Dhe shpesh pushimet i kalon atje. /G.D abcnews.al/
