Interi është në kërkim të fitores së 12-të nga po aq ndeshje të luajtura në total që nga viti 2024. Zikaltërit do të përballen në shtëpi këtë të hënë kundër Genoa së Gilardinos.
Simone Inzaghi e di mirë se çdo sfidë paraqet kurthe dhe ndaj Genoa nuk bën asnjë përjashtim.
“Tani duhet të vazhdojmë kështu, këto dy muaj i kemi bërë në mënyrën më të mirë të mundshme, por e dimë që nga nesër na pret një ndeshje shumë e vështirë dhe do të vijnë shumë të tjera. Duhet të vazhdojmë të punojmë fort, me agresivitet dhe vendosmëri.
Sigurisht që do të jetë një ndeshje e vështirë. Genoa është një skuadër e shkëlqyer, ata kanë 33 pikë dhe po bëjnë një kampionat të shkëlqyer. Në 12 ndeshjet e fundit mendoj se ata kanë humbur vetëm nga Atalanta në minutat e fundit. Ata janë një ekip në një gjendje që ne do të na duhet ta përballojmë me shumë vëmendje”, tha ndër të tjera Inzaghi./h.ll/abcnews.al
