Simone Inzaghi shijon goleadën kundër Veronë, e cila i lejon Interit të tij të shkëputet nga Roma Dhe Milani. Zikaltërit fituan me rezultatin e thellë 0-6 dhe Inzaghi është shprehur i lumtur për formën e skuadrës së tij.
“Ne po luajmë mirë, jemi në një moment të mirë dhe kemi rigjetur formën e përkryer të disa lojtarëve. Rezultatet po vijnë, jam i lumtur, por duhet të vazhdojmë me këtë ritëm. Pas 72 orësh do të sfidojmë Romën dhe ne duhet të përgatitemi për një ndeshje të madhe.
Ndaj Veronës ishim të jashtëzakonshëm, kundër një skuadre që kishte humbur vetëm ndaj Fiorentinës në shtëpi në vitin 2023.
Ne kemi detyrim të përfundojmë në top katërshe. Kalendari nuk është shumë i thjeshtë, por grackat janë përtej kalendarit. Të gjithë kemi ndeshje shumë të vështira, por jemi të kënaqur me momentin.
Gjëja kryesore është që kemi filluar të shënojmë. Dzeko dhe Lautaro fantastik, i gjithë ekpi punon në grup, kjo është ajo që adhuroj te kjo skuadër”, është shprehur ndër të tjera Inzaghi./ h.ll/abcnews.al
