Tensionet dhe përplasjet në rrugët e Tbilisit dhe qyteteve të tjera gjeorgjiane kanë nxjerrë në pah konfrontimin mes qeverisë dhe qytetarëve në lidhje me kursin evropian të vendit.
Kryeqyteti shënoi ditën e katërt radhazi të protestave, të shkaktuara nga vendimi i qeverisë për të “ngrirë” bisedimet e anëtarësimit në BE, duke zemëruar mijëra qytetarë.
Në rrugën kryesore Rustaveli , protestuesit hodhën fishekzjarre ndaj policisë, e cila u përgjigj me topa uji.
“Është rraskapitëse të shohësh qeverinë tonë duke injoruar vullnetin e popullit,” tha një protestues. “Unë jam këtu për të mbrojtur të ardhmen evropiane dhe demokracinë e vendit tim.”
Protestat po përhapen përtej kryeqytetit, me bllokada rrugësh, sulme ndaj zyrave të partisë në pushtet dhe demonstrata në tetë qytete.
Kryeministri i Gjeorgjisë po refuzon thirrjet për zgjedhje të reja dhe akuzon protestuesit se kanë rënë viktimë e gënjeshtrave të opozitës./abcnews.al
