Shërbimi i inteligjencës ushtarake i Ministrisë së Mbrojtjes të Ukrainës u bëri thirrje banorëve të Krimesë që të qëndrojnë larg objekteve ushtarake pas një zjarri masiv në depo karburanti që u shkaktua nga një sulm i dyshuar me dron në Sevastopol të shtunën.
Andrii Yusov, një përfaqësues për Inteligjencën e Mbrojtjes të Ukrainës, tha se zjarri “është ndëshkimi i Zotit, veçanërisht për civilët e vrarë në Uman”, shkruan CNN.
Yusov po i referohej sulmit me raketa ruse në një bllok apartamentesh në qytetin qendror të Ukrainës Uman të premten, që vrau të paktën 23 njerëz.
“Ky dënim do të jetë afatgjatë,” u shpreh ai në një intervistë për mediat ukrainase të shtunën.
“Është e këshillueshme që të gjithë banorët e Krimesë së pushtuar përkohësisht të mos qëndrojnë pranë objekteve ushtarake apo objekteve që ofrojnë ushtrinë e agresorit në të ardhmen e afërt”, shtoi ai.
