Drejtoresha e Zyrës Vendore të Arsimit Publik në Elbasan, Anila Çota është larguar nga detyra.
Çota e ka komunikuar largimin gjatë ditës së sotme dhe në vend të saj është emëruar Ermir Çela. Ky i fundit mbante postin e drejtorit të gjimnazit Kostandin Kristoforidhi.
Largimi i Çotës vjen pak ditë pas shkarkimit nga detyra edhe drejtoreshës së Qendrës së Shërbimeve Arsimore, Rezana Vrapi në Tiranë.
Lexo edhe: Shkarkohet nga detyra drejtoresha e Qendrës së Shërbimeve Arsimore, Rezana Vrapi
Ndërkohë paralajmërohen largime të tjera, në vijim të ndryshimeve që Ministria e Arsimit është duke bërë në nivelet drejtuese lokale.
