Trupat izraelite janë të vendosura të avancojnë operacionin e tyre ushtarak në Gaza, tha një zëdhënës i Forcave të Mbrojtjes të Izraelit. Duke folur në një konferencë për shtyp, Daniel Hagari tha se ushtarët do të godasin objektivat e Hamasit kudo që t’i gjejnë.
“Ne jemi të vendosur të avancojmë operacionin tonë. Kjo do të ndodhë kudo që të ekzistojë Hamasi, duke përfshirë në jug të rripit. Do të ndodhë në kohën, vendin dhe kushtet që janë më të mira për ushtrinë.”, tha ai.
Komentet e tij erdhën pasi civilët në qytetin jugor të Gazës, Khan Younis, raportuan se u lëshuan fletëpalosje duke u thënë atyre të evakuoheshin, një sinjal se luftimet do të zgjerohen.
Në javët e fundit, forcat izraelite u kanë thënë banorëve në Gazën veriore që të drejtohen në jug, ndërsa ata kanë shtyrë përpara operacionin e tyre tokësor./abcnews.al
