Milani nuk i ndahet Francës dhe Ligue 1. Objektivi i radhës në merkato i klubit italian është Pietro Pellegri, talenti 20-vjeçar i Monacos.
Lojtari nga Xhenova luan në majë të repartit ofensiv, por bën mirë edhe sulmuesin e dytë dhe sulmuesin e djathtë.
Klubi nga Principata nuk e cilëson të pashitshëm Pellegrin dhe palët po negociojnë në lidhje me huazimin e lojtarit në Serie A.
Pellegri luan me Monacon prej vitit 2018, teksa dëmtimet e shumta nuk e kanë lejuar të shprehë gjithë potencialin që zotëron.
Sulmuesi ishte vetëm 15 vjeç e 9 muaj kur debutoi me Genoan në Serie A (dhjetor 2016), duke u kthyer në lojtarin më të ri të historisë së kampionatit italian. /abcnews.al
