Kontrata me Napolin i përfundon në fund të sezonit dhe rinovimi është shumë larg. Flasim për Dries Mertens, 32-vjeçarin belg të Napolit. Sulmuesi dëshiron ta mbyllë këtë sezon me ekipin aktual, por sirenat gjermane e tundojnë.
Sky Sport raporton se Borussia Dortmund e kërkon për përforcimin e repartit ofensiv dhe ka nisur kontaktet me lojtarin. Edhe Interi është përfolur si e ardhmja e Mertens, por lojtari preferon një aventurë jashtë Serie A.
Verdhezinjtë gjermanë po tentojnë ta bindin për ta transferuar në janar dhe goleadori i njohur intrigohet nga kjo ide. Dortmund po tenton të arrijë akordin me lojtarin në fillim për t’i prezantuar më pas një ofertë presidentit De Laurentiis. /abcnews.al
