Zlatan Ibrahimovic është rikthyer në Milano dhe për momentin është i izoluar, duke ndjekur rregullat e autoriteteve. Suedezi së shpejti pritet të bashkohet me skuadrën në stërvitje dhe të gjithë shpresojnë që të zyrtarizohet data e rifillimit të Serie A.
Veç kësaj, tifozët kuqezi janë të interesuar edhe në lidhje me të ardhmen e sulmuesit te Milani. Ai duket se e ka ndarë mendjen dhe do të largohet. Gjithçka është zbuluar nga Sinica Mihajlovic, i cili ka folur në një televizion serb.
“Ibra më ka telefonuar para disa ditësh dhe tani të shohim se çfarë do të vendosë në verë. Ai me siguri nuk do të qëndrojë në Milano, por çështja është nëse ai do të vijë te ne, apo do të kthehet në Suedi”, është shprehur trajneri serb i Bologna. /abcnews.al
