Një 21 vjeçar është vënë në prangat e policisë së Lezhës pasi akuzohet si i përfshirë në ngjarjen e ndodhur në dy vite më parë ku u vendos eksploziv në një objekt privat.
Policia bën me dije se i arrestuari është shtetasi A. S., 21 vjeç, banues në Fushë Krujë i cili në bashkëpunim me një tjetër i cili ndodhet i arrestuar, pasi më 19.11.2020 kanë vendosur lëndë plasëse një objekti privat në ndërtim në Shëngjin.
“Vijon operacioni policor i koduar “Eksplozivi”.
LEXO EDHE: Shpërthim me tritol në një pallat në Shëngjin, hera e dytë brenda pak ditësh
Kapet dhe ndalohet autori i dytë i dyshuar i ngjarjes së ndodhur më datë 19.11.2020, në Shëngjin, ku në një objekt privat në ndërtim u vendos lëndë shpërthyese.
Në orët e para të mëngjesit, nga strukturat hetimore të Drejtorisë Vendore të Policisë Lezhë, në bashkëpunim me FNSH Shkodër dhe Drejtorinë Vendore Policisë Durrës, u bë kapja dhe ndalimi i shtetasit të shpallur në kërkim A. S., 21 vjeç, banues në Fushë Krujë.
Për këtë shtetas, Kolegji Penal i Gjykatës së Lartë, me vendimin penal të datës 11.11.2021, ka caktuar masën e sigurisë “Arrest në burg” për veprat penale “Shkatërrim prone me eksploziv” “Kanosja”, “Prishja e rendit dhe qetësisë publike” dhe “Mbajtja pa leje e armëve dhe municioneve luftarake”, pasi dyshohet që në datën 19.11.2020, në Shëngjin, në bashkëpunim me një shtetas tjetër (i arrestuar në dhjetor 2020, në kuadër të operacionit “Eksplozivi”), kanë vendosur lëndë shpërthyese në një subjekt privat objekt në ndërtim e sipër, në pronësi të shtetasit L. Gj., në Shëngjin, ku si pasojë janë shkaktuar vetëm dëme materiale”, thuhet në njoftimin e policisë. /abcnews.al
